Togra de chuid Chomhpháirtíocht Áitiúil Óige Ildánach Chiarraí
Roinnt comhairle ón áisitheoir, Zoë Uí Fhaoláin Green, maidir leis an saothar ealaíne a cheapadh:
- Féach amach fuinneog ar bith i do theach agus tóg d’am ag baint lán na súl as an radharc ar do shuaimhneas. Coinnigh ort ag féachaint agus ag tabhairt faoi deara.
- Lean ar aghaidh ina dhiaidh sin ag tarraingt pictiúir, ag péinteáil, ag tógáil grianghraf ealaíne nó ag scríobh filíochta faoina bhfuil le feiceáil agat nó faoi ní a bhraitheann tú a bheith in easnamh sa radharc ionas go gcuireann tú in iúl an rud atá le braistint agat.
- Tabhair san áireamh – mionrud amháin, radharc leathan cuimsitheach, an dúlra agus an timpeallacht foirgníochta, na dathanna, gluaiseacht, suaimhneas, fuaimeanna a chloistear duit agus gnéithe uige mar a fheictear duitse iad.
- Bain leas as do chuid samhlaíochta! Cruthaigh d’íomhá le modh oibre nó meán ar bith is main leat.
- Is féidir focail agus pictiúir a chur in úsáid le chéile
- Is féidir taifeadadh fuaime a dhéanamh de do chuid filíochta
- LÍNÍOCHT: d’fhéadfá díriú ar phátrúin sa radharc atá le feiceáil agat, nó díriú ar dhathanna, nó d’fhéadfá gach líne dá bhfuil le feiceáil a tharraingt
- SCRÍBHNEOIREACHT: d’fhéadfá leas a bhaint as a mbraitheann na céadfaí lena bhfuil ann (nó lenar mhaith leat a bheith ann) a chur in iúl. Mar shampla – tá néalta sa spéir le feiceáil agam, tá cantaireacht na n-éan le cloisteáil agam, ba mhaith liom uachtar reoite a bheith le blaiseadh agam amuigh ansin le mo chuid cairde, agus an féar a mhothú idir méara na gcos. Oibrigh trí do chuntas arís agus cuir níos mó in iúl le roinnt de na línte, úsáid aidiachtaí agus dobhriathra (focail a thugann breis eolais faoi rud nó faoi ghníomh), nó briathra (focail maidir le gníomhartha).
- D’fhéadfá ansin líne bhreise a chur isteach idir roinnt de na línte atá agat cheana féin agus breis eolais a lua nó cur síos breise a thabhairt ar an atmaisféar, nó cúis a lua leis an rud atá á lua agat sa líne roimh an gceann seo nó sa líne a thagann ina diaidh.
- Meabhraítear duit gur féidir saothar ealaíne a cheapadh ina dtugann tú léargas ar an bhfís atá agat den rud ba mhaith leat a bheith le feiceáil – an saol ba mhaith leatsa a bheith i ndán dúinn – agus gur féidir an saothar, pictiúr nó scríbhneoireacht, a chumadh as do chuid samhlaíochta!
- Ba bhreá linn do phictiúr a fheiceáil agus do chuid focal a léamh. Bí cinnte go n-iarrann tú cead ar do thuismitheoir/chaomhnóir agus gur ó sheoladh ríomhphoist an tuismitheora/caomhnóra a sheoltar an t-ábhar scríbhneoireachta, an t-íomhá (i bhfoirm Jpeg) nó an taifeadadh fuaime (i bhfoirm MP3 ar uasfhad 20 soicind) chugamsa ag an seoladh littlewolves@gmx.com, agus bí cinnte freisin go luaitear d’ainm.
- Is féidir íomhánna agus focail a chur le chéile i do shaothar ealaíne – b’fhéidir go bhfuil tú go hiontach i mbun colláise nó gur maith leat grianghrafadóireacht dhigiteach a chleachtadh, agus tá lánchead modh oibre ar bith acu sin a úsáid.
- Cuirfidh mise gach saothar le taispeántas sleamhnán ar fhíseán. Beidh fuaimrian leis sin a leagfaidh mise amach bunaithe ar an ábhar a chuireann sibhse isteach. Beidh sin le feiceáil ar an idirlíon agus ar taispeáint i bhfuinneoga siopaí ar fud Chiarraí, Dé Sathairn, an 13 Meitheamh mar chuid de Chruinniú na nÓg, lá ceiliúrtha maidir le bua na samhlaíochta agus na cruthaitheachta i leanaí agus i ndaoine óga. Go raibh míle maith agat as an saothar ealaíne a dhéanamh agus a chur ar fáil dúinn go léir!
Tá de rún againn leanúint ar aghaidh leis an tionscnamh seo agus taispeántas a eagrú nuair is féidir le daoine cruinniú le chéile arís. Bheadh gach saothar ealaíne á chur ar taispeáint againn, chomh maith leis an ábhar físeáin, agus deis ag na daoine óga ar fad a ghlacann páirt sa tionscnamh bualadh le chéile.
Go n-éirí leat agus bain spraoi agus sult as do chuid ealaíne!
Ó Zoë
Breis eolais: Deirdre Enright, Comhordaitheoir, Óige Ildánach, BOO Chiarraí. Fón póca: 085 8734946
