D’fhoghlaim daltaí i gColáiste na Sceilge, Cathair Saidhbhín, le scannán a léiriú, scéal faoi leith a chur trasna trí mheán na scannánaíochta. Foghlaimíodh le script físe a scríobh, le scéalchlár scannánaíochta a leagan amach, le ceamaradóireacht a dhéanamh ar ghearrscannán agus eagarthóireacht a dhéanamh ar an ábhar scannánaíochta ina dhiaidh sin. Bhí daltaí dara leibhéal d’aoiseanna éagsúla an-tógtha leis an gclub seo tar éis am scoile agus spraoi á bhaint acu le chéile as obair scannánaíochta chomh maith le tuiscint a fháil ar thionscal na scannán chomh maith. Ní raibh gá le taithí ar bith ar an gceird roimh ré, ach amháin gur chuidigh suim i gcúrsaí scannán agus pictiúrlainne!
