Conas a oibrímid

Teagasc Duine le Duine

Áit a dtairgeann teagascóir deonach cúnamh le léitheoireacht, scríbhneoireacht, litriú, scileanna uimhris, líonadh foirmeacha, scríobh litreacha etc. Buaileann an mac léinn agus an teagascóir le chéile uair sa tseachtain de ghnáth. Tá forbairt mhuiníne agus forbairt phearsanta mar chuid den phróiseas chomh maith. Is as raon leathan cúlraí na teagascóirí agus cuirtear oiliúint iomlán orthu chun freastal ar riachtanais a mac léinn.

Teagasc Grúpaí Beaga

Tá raon cúrsaí ar fáil. Clúdaítear léitheoireacht, scríbhneoireacht, litriú agus scileanna uimhris sna bunchúrsaí. Tosaíonn siad ar fad ag an tús agus teagasctar iad ansin ar luas na mac léinn.

Raon na gCúrsaí

Tairgimid cúrsaí ar ábhair eile chomh maith lena n-áirítear forbairt phearsanta; an buneolas faoi ríomhairí agus faoin saol TF a fhoghlaim agus foghlaim teaghlaigh, ina bhfeabhsaíonn tuismitheoirí a gcuid scileanna féin ionas go mbeidh siad in ann cabhrú lena leanaí tús maith a bheith acu sa bhaile agus ar scoil.

Gaeilge

Tá roinnt cúrsaí ar fáil i nGaeilge chomh maith ag ár n-ionad sa Daingean ag brath ar an éileamh.

QQI

Ar an gcéad leibhéal eile tá na cúrsaí sin ónar féidir cáilíocht QQI (Dearbhú Cáilíochta agus Cáilíochtaí Éireann) a bhaint amach. Tairgimid raon leathan ábhar agus, rud ab fhearr fós, níl aon scrúduithe i gceist! Cruthaíonn mic léinn fillteán oibre thar thréimhse ama agus déantar measúnú air sin. Tá na modúil atá ar fáil liostaithe thíos.

Cúram do Leanaí
Forbairt agus Súgradh Leanaí
Cumarsáid
Litearthacht Ríomhaireachta
Feasacht Tomhaltóirí
Drámaíocht
Bia & Cothú
Gairneoireacht
An Mhatamaitic
Gnáthaimh Oifige
An tIdirlíon & an Ríomhphost
Scileanna Staidéar Baile
Scileanna Foghlama
Ríomhairí trí Ghaeilge - ar fáil ag an Ionad sa Daingean
An Mhatamaitic trí Ghaeilge - ar fáil ag an Ionad sa Daingean

Ar ais go Barr

Programmes

Bí i d’Oibrí Deonach

Bíonn oibrithe deonacha á lorg againn i gcónaí chun teagasc duine le duine a sholáthar d’fhoghlaimeoirí na litearthachta. Oibríonn oibrithe deonacha uair amháin sa tseachtain ar feadh 2 uair de ghnáth. Ba chóir d’oibrithe deonacha nádúr tuisceanach a bheith acu. Bítear ag súil le teagascóirí deonacha tiomantas 12 mhí ar a laghad a dhéanamh don tseirbhís i ndiaidh dóibh oiliúint a fháil agus meas a bheith acu ar chineál rúnda na hoibre. Tá ar gach oibrí deonach foirm iarratais a chomhlánú, foirm atá ar fáil ó Eagraí na Litearthachta d’Aosaigh i do cheantar. Cuirfear iarratasóirí ar ghearrliosta d’agallamh. Tabharfar cuireadh d’agallaithe a n-éiríonn leo freastal ar chúrsa oiliúna tosaigh do theagascóirí.

Tá tuilleadh sonraí ar fáil ar an leathanach um Dheiseanna Fostaíochta.

Cliceáil anseo chun cuairt a thabhairt ar shuíomh Gréasáin um Bunoideachas Aosach Chiarraí (BAC). Is éard atá ann ná acmhainn ar líne do theagascóirí BAC agus áit chun acmhainní ar líne a roinnt.

Oiliúint um Fheasacht Litearthachta

Tairgeann an tSeirbhís Litearthachta & Bunoideachais d’Aosaigh Oiliúint um Fheasacht Litearthachta do chuideachtaí agus d’eagraíochtaí eile. Spreagann an oiliúint sin feasacht ar dheacrachtaí litearthachta a d’fhéadfadh a bheith ann agus duine ag déileáil leis an bpobal i gcoitinne agus tugtar comhairle inti ar conas déileáil leis an bhfadhb seo.

Clár um Fhoghlaim Teaghlaigh

Cuimsítear raon cúrsaí sa chlár seo ina dtugtar an deis do thuismitheoirí a gcuid scileanna féin a fheabhsú agus grá don fhoghlaim a chothú ina leanaí.

Dianteagasc i mBunoideachas Aosach

Tá cúrsaí 14 seachtaine ann ina bhfaigheann rannpháirtithe dianteagasc ar feadh sé huaire sa tseachtain. Is í an aidhm ná tús a thabhairt dóibh ónar féidir leo tuilleadh dul chun cinn a dhéanamh.

ESOL

Tairgtear cúrsaí i dTeanga an Bhéarla do chliaint dhífhostaithe a chuireann FÁS, an Roinn Gnóthaí Sóisialta agus Teaghlaigh nó an tSeirbhís Fostaíochta Áitiúla ar aghaidh mar dhaoine nach bhfuil réidh fós le hoibriú agus a dteastaíonn bun-Bhéarla feidhmiúil uathu.

Programmes Provided in Partnership with Other Organisations

Scileanna don Chlár Oibre

Is í is aidhm leis ná “uasoiliúint a thabhairt” do lucht oibre na gcuideachtaí rannpháirteacha. Tugtar am saor do na fostaithe chun freastal ar ranganna le linn a n-uaireanta oibre.

An Clár um Fhilleadh ar an Oideachas

Tá an clár seo á reáchtáil i gcomhar le Comhairle Contae Chiarraí agus, arís, soláthraíonn sé ranganna le linn uaireanta oibre chun “uasoiliúint a thabhairt” dá lucht oibre.

Ar ais go Barr